Kaisay kaisay azaab rakhta hooN
Hokay daryaa saraab rakhta hooN.
Kwaab tootay jo koi bhi mairaa
kirchioN ka hisaab rakhta hooN
Aik khat khainchtaa hooN darya par
Naqsh ik zair e aab rakhta hooN.
Apnay dil ki kitaab maiN yaadaiN
Misl e barg e gulaab rakhta hooN.
DooryuoN maiN bhi ik sitaaray ko
Raat bhar humrakaab rakhta hooN.
Baargaah e khayaal maiN Ashraf
Lafz ko baaryaab rakhta hooN.
Saturday, May 24, 2008
Subscribe to:
Post Comments (Atom)
0 comments:
Post a Comment